lo dedins e lo defòra

te viure aquò’s arribar jamai. trases la pèl per ne saupre lo dedins e lo defòra. junts e desseparats. e pas jamai arribar. comprenes ? degus comprén. te viure es projectar. ombrum e solelhum, quora se mèsclan. aver pro d’aire e te respirar. quantum. quantums. carrègas d’ordinaris inexistents a l’endefòra. tot èsta a ton entorn. emai tot çò que degus entend pas se bandís en tu. per tu tot escriu. diran vermelh e tu diràs sang. e demandaràs se ne nàisson. sempre i a lo dobte. sens uèlhs, sensa boca, sens nas, sens còs, sensa carn. aital existes. te viure sensa pèl. me comprenes ? degus comprén. per çò que dins lo dedins i as pas cap paraulas. e te cal sortir defòra las quèrre. e aquò’s alara qu’apareis lo dedins e lo defòra, e lo tèrme qu’es la pèl. e degus comprén. e lagremas d’alfabrega

revirat a l'occità per: b. b. codomièr amans