dimarts, 19 de juny de 2007

amb paures mots dire ma set


Amb paures mots
dire ma set

Aicí la rispa me clava
las mans

siái a cavar lo miralh de l'ivèrn
passas dins mon pantai
image que s'avalís
qu'ensage de reténer

l'èrba rossèla pels pelencs
ondeja coma ton pèu

dire ma set de mots
ma set de vida

escriure de mens en mens
coma lo degot de l'aiga
a la canèla de l'aiguièra
l'un après l'autre los mots se desgrunan
letra après letra coma se tot escàs
se deviá atudar lo fiu
coma se dins un ultime esfòrt
lo ligam de la lenga
se podiá trencar
definitiu


Joan-Pau Creissac